Aqutsisoq

Tunngaviusumik Aqutsinermik Ilinniarneq

Aqutsisoq suua – Tunngaviusumik Aqutsinermik Ilinniarneq ?

Tunngaviusumik aqutsisunngorniarluni ilinniarneq tassaavoq aqutsisunngornissamut ineriartorneq ukiup affaata missaanik sivisussusilik.

Immikkoortut (Moduulit) sisamat nalinginnaasumillu angerlarluni suliassat paarlakaallugit ingerlanneqassapput, atuagarsorneq ulluinnarnilu sulineq imminnut ataqatigiissunngorlugit.

Kikkunnut naatsorsuussaanera

Aqutsisunut aqutsisunngorniartunullu tunngaviusumik aqutsinermi piginnaasassanik ilisimasassanillu pisariaqartitsisunut Aqutsisoq naatsorsuussaavoq.

Assersuutigalugu immikkoortortaqarfimmi, suleriaatsinut aqutsisussatut imaluunniit eqimattanut suliffimmi tunisassiorfiusumi, pisortat suliffeqarfianni imaluunniit niuertarfimmi aqutsisussatut toqqagaaqqammeruit Tunngaviusumik Aqutsinermik Ilinniarneq ilinnut neqeroorutaavoq pitsak!

Ilinniakkamut tassunga peqataassagaanni annertuumik ilinniagaqarsimanissaq piumasaqaataanngilaq.

Kalaallisut qallunaatulluunniit ilinniartitsineq ingerlanneqartarpoq.

Immikkoortut (Moduulit)

Immikkoortoq 1: Aqutsineq inuttullu ineriartorneq

oPiginnaasanik qulaajaaneq

oSiunissami aqutsinermi atugassarititaasut – tullersortaalluni aqutsisup susassaqarfii

oInuttut ilisimasatigullu ineriartorneq

oAqutsisuulluarneq suua?

oAqutsisutut pissuseq aamma aqutsinermi periutsit

oSuliassanik agguaassineq

oInuttut pilersaarusiorneq aamma nammineq piffissarisamik pingaarnersiuineq.

Immikkoortoq 2: Attaveqatigiinneq aqutsinerlu

oSulinermi attaveqaqatigeeriaatsit aamma suleqatigiinnermi sakkussat

oSuleqatiginnermi attaveqaqatigiinnermilu nammineq inuttut pissuserisap pingaaruteqarnera

oSuleqatigiinnermi aaqqiagiinnginnernilu attaveqaqatigiinnermi oqaatsit iliuutsillu sulisunut sunniutai.

oAttaveqaqatigiinnerup ingerlanerata nalilernera aamma qanoq ililluni attaveqaqatigiinnerup pitsaanngitsup illuatungaanut saatinnissaa.

oSuleqatigiinnermi annerpaamik angusaqassagaanni sakkussatut atorsinnaasat.

Immikkoortoq 3: Aqutsineq suleqatinillu ineriartortitsineq

oAqutsisup sulisullu kiisalu sulisut akornanni suleqatigiinneq imminut ataqatigiissoq

oSulisut kajumissusaat attatiinnarlugu aqutsinermi aammalu suleqatigiinnermi ajornartorsiutinik qaangiinissamut periusissat.

oSulisut kajumilersinnissaannut ileqquinullu sunniisinnaaneq

oKajumilersitsinissamut sakkussat

oSulisut annerpaamik ilorrisimaartilerlugit kajumissuseqalersillugillu aqutsinermi aammalu suleqatigiinnermi ajornartorsiutinik qaangiinermik periusissat

• Tarnikkut aammalu ulluinnarni inuunikkut atukkat sulisunut ataasiakkaanut qanoq sunniuteqartarnerat sammillugu

• Sulisut sulinerminni atugarisaat aammalu inuup suliffimmini avatangiisai

• Suleqatigiinneq aamma aaqqiagiinnginnermik qaangiineq.

• Suliffeqarfimmi suleqatigiit sulisullu aaqqiagiinnginnerit.

Immikkoortoq 4: Allannguiniarluni aqutsineq

oImmikkoortumi uani siuliani immikkoortuni sisamaasuni ilinniakkat eqikkarneqassapput ilikkakkat aalajangiunnissaat aammalu ataatsimoortumik qimerloornissaat siunertaralugu.

oNaggataarutaasumik allaaserisap/projektip saqqummiunnera

oSiunertaasup ingerlatallu anguniakkap anguneqarnera

oNammineq inuttut siunissap pilersaarusiornera aammalu siunissap assiliartalernera

oNaliliineq

Ilinniarnermi ilitsersuunneqarneq

Ilinniarnerit ingerlannerini katersuunnerit akornanni ilinniartut suliassamik qanoq ingerlanneqarnissaannik ilitsersuunneqartarput. Taanna pisarpoq ataatsimiinnerit, oqarasuuatikkut attaveqatigiinnerit imaluunniit allatut elektroniskimik attaveqaqatigiinnerit aqqutigalugit, ilinniartut ataasiakkaat periarfissaat pisariaqartitaallu apeqqutaatillugit.

Init atortullu Pisortat Ilisimatusarfianniittut atuarnermut atatillugu peqataasunit atorneqarsinnaapput.

Ilinniarnerup siunertaa

Tunngaviusumik Aqutsisutut Ilinniartitsinermi aqutsinerup pitsaasup ilinniartitissutiginissaa aammalu aqutsisuulluarnissap sungiusarnissaa pingaarnertut anguniarneqarput.

Aqutsisutut sulineq ilisimanerulerlugu

Aqutsineq pitsaasoq suua aamma qanoq pitsaasumik aqutsisunngussaanga?

Aqutsisutut ”pissuseq pitsaasoq” aamma naapittakkani assigiinngitsuni aqutsinermi periutsit pitsaasut suuppat?

Attaveqaqatigiinnermi aamma aaqqiagiinnginnermi periusissat qanoq ittut atussavakka

Nammineq inuttut pilersaarusiorneq – nammineq piffissaq aqulerlugu

Tunngaviusumik aqutsinermi sakkussat ilinniarlugit

Ilinniarneq aamma attaveqarfissanik pilersitsinermik periarfissiivoq.