Aqutsisunut aaqqiagiinnginnernut iliuuseqartalernissamut Pikkorissarneq

Kursus i konflikthåndtering for ledere (Dansk længere nede)

Sammisaq:

Aqutsisutut atorfeqarputit, misigisarputillu aaqqiagiinngittoqartillugu iliuuserisartakkannut atatillugu, iliuuseqartarninnut periutsimik sakkussamik amigaateqartarlutit.

Pisariaqartittarlugu aaqqiagiinngittoqartillugu iliuuserisinnaasappit pitsaasut, eqqummaarillutit toqqissisimallutillu iliuuseqarfigisinnaanerat annertusarusuttarlugu.

Uani pikkorissarnermi aaqqiagiinnginnermut akuusunut tamagiinnut ajugaasutut misigalutik ingerlariaqqittarnissaat siunertaralu aqutsisutut iliuuseqarsinnaaneq ukkatissavarput,

mediationimi/aaqqiagiinngittoqartillugu oqaloqatigiissitsinermi periuseq atorlugu.

Pikkorissarnermi periuseq sammisassarput aqutsisutut inissisimanermi allatigut aamma atorneqarsinnaavoq. Assersuutigalugu aaqqiagiinnginnerit pinaveersaartinneranni, allannguiniarluni aqutsinermi, inerikkiartortitsiniarnermi, attaveqaatinillu ukkassinermi. Taamaasillutit aqutsisutut inissisimaninni pisuni allani periutsimik aamma atorsinnaasannik pissarsiaqassaatit.

Anguniagaq:

Anguniagaavoq aqutsisut pikkorissaqataasut pikkorissarnerminni aaqqiagiinnginnernik avatangiisiminni, namminerminnilu qaangiiniaanermut aammalu aaqqiagiinnginnernik pinaveersaartitsinermik suliaqarsinnaanerisa suli pitsaanerulernissaa.

Anguniagaavorlu peqataasup inuttut piginnaasaatigut annertusaanissaq, inoqatinut attaveqarnermut atatillugu, suliffimmi ataatsimut ilorrisimaarnermut sunniuteqarluarsinnaasumik.

Periuseq:

Naatsumik teorimik saqqummiisarnerit, kisimiilluni suliaqarneq kiisalu eqimattakkaarluni sulineq, pisuusaartitsillunilu sungiusarneq. Taamaasilluni teoriit ulluinnarni qanoq atorneqarnerat/-sinnaanerat aqutsisut malugalugulu misilittassavaat, pikkorissareernerup kingorna periutsit sungiusarlugillu atorsinnaalernissaat siunertaralugu.

Pikkorissarnemi ilaatigut makku ilinniassavagut

Aaqqiagiinnginnerit assigiinngitsut

Aaqqiagiinnginnernut iliuuseqarneq – mediationemi/akunnermiliunnermi periuseq atorlugu

Aaqqiagiinnginnerit ineriartuutaasumik atornissaat

Aaqqiagiinnginneq qanoq ajorsigaluttuinnarsinnaanersoq & qanoq ilorraap tungaanut saatissinnaanera

Inuttut pisariaqartitat

Aqutsisoq mediatoritut/akunnermiliuttutut inissisimatillugu

Attaveqariaatsit assigiinngitsut

Imminut inuttut illersortariaatsigut

Aaqqiagiinngeriaatsit assigiinngitsut

Pikkorissareernerup kingorna aqutsisoq uku pissarsiaralugit ingerlariaqqissinnaassaaq:

Aaqqiagiinnginnerit sumut killiffeqarnerat aallaavigalugu naliliisinnaanngorsimassaaq taannalu aallaavigalugu iliuuseqarsinnaalersimassaaq

Aaqqiangiinngitsunut iliuuseqarfigisassanut iliuuseqarnissaminut periutsimik

peqalersimassaaq, ajugaasooqatigiinnik pilersitsinissamik siunertalimmik.

Aaqqiagiinnginnerit qanoq pinaveersaartissinnaanerat ilisimasaqarfigilersimassavaa

Attaveqariaatsiminut aaqqiagiinngeriaatsiminullu imminut ilisimaarinera annerulersimassaaq.

Pisuni assigiinngitsuni inuit qisuariaatigisartakkatsinnut, pisariaqartitattalu sunniisarnerannut ilisimasaqarnerulersimassaaq.

Oqaatsit: Kalaallit oqaasii atorlugit pikkorissarneq ingerlanneqassaaq.

Kursus i konflikthåndtering for ledere (Kurset afholdes på grønlandsk)

Emne:

Du sidder i en stilling som leder, og føler at du har behov for at udvide dine kompetencer indenfor konflikthåndtering, så du i højere grad føler dig tryg og bliver bevidst om dine handlemuligheder når konflikter opstår.

På dette kursus vil vi have fokus på, hvordan man kan takle konflikter med det formål at skabe win/win situationer for de involverede parter, ved brug af mediations metoden. Metoden vi kommer til, at beskæftiger os med, kan også bruges i mange andre forskellige ledelsesmæssige sammenhænge. F.eks. i forebyggelse af konflikter, forandringsledelse, kompetenceudvikling, relations opbygning. Derved får du som leder et alsidigt redskab, som du også kan benytte i andre kontekster.

Mål:

At lederen gennem kurset bliver endnu bedre i stand til at håndtere og forebygge konflikte i sine omgivelser og hos sig selv.

Endelig er målet at øge deltagernes menneskelige kompetencer i relationer til vores medmennesker til gavn for den fælles trivsel på arbejdspladsen.

Metode:

Korte teoriteske indlæg med deltagerinddragelse, individuelt og gruppearbejde, samt træning/rollespil således, at lederne efter kurset kan træne og bruge teorierne i forskellige sammenhænge.

På Kurset vil vi bl.a. lære om følgende:

Forskellige typer konflikter

At håndtere konflikter med baggrund i mediations metoden

At bruge konflikter konstruktivt

Hvordan en konflikt kan opstappes & nedtrappes

Menneskelige behov

Lederen som mediator/konfliktmægler

Forskellige kommunikationsmetoder

Forsvarsmekanismer

Konfliktstile

Efter kurset vil kursisten have:

Redskaber til at vurdere hvordan konflikten skal håndteres afhængig af hvor konflikten befinder sig, og agere derfra.

Redskab til at håndterer konflikter, med en win-win situation som formål, for de involverede.

Vil have kendskab til, viden om, og forståelse for hvordan man kan forebygge konflikter.

Større selvindsigt i forhold til egen kommunikations- og konfliktstil.

Større indsigt i menneskelige reaktionsmønstre i forskellige sammenhænge, og

behovenes betydning.

Sprog: Kurset afholdes på grønlandsk